Vawiin chawhma dar 11:00 khan Serchhip District Bawrhsap Pi Juhi Mukherjee, IAS hovin a office chamber ah “Kuthnathawktute Ni” January ni 14, 2013 a hman anih huna Serchhip District-a NLUP tanpuina dawngtu thawk tha zual (mimal leh khua) lawmman pek tur te thlang chhuaktu tur “District Level Selection Committee” din dan tur NLUP Line Department te nen ngaihtuah ho a ni.

NLUP Implementing Board-in kaihhruaina a siam zul zuiin Committee member tur te hi ruat an ni a, an zingah hian District Monitoring Committee Member (non-official) te, MUP leh AMFU aiawh te bakah tlawmngai pawl hrang hrang leh prominent citizen te ruat an ni a, heng Committee member atan ruat te hi District Bawrhsap-in NLUP Implementing Board hnenah thawnin pawmpuina a lak fel hnu ah official in hriattir an ni ang.