Transport Minister Pu P.C. Zoram Sangliana chuan inrinni kalta khan Bairabi BGSA buatsaih Bairabi Premier Leaque kharna hmanpuiin, Bairabi Water Supply scheme project a tlawh nghal.
Bairabi premier leaque kharna a thu sawiin Pu P.C. Zoram Sangliana chuan Bairabi premier leaque a champion team te chu helai mai duh tawk lo a, Kolasib a MLA Cup awm tura champion tum tura hrilhin infiammite tan zuk leh hmuama inthiar fihlim a tul thu a sawi a, eng infiamna ah pawh eizawnna tlaka beih a ngaih thu a sawi a ni.
India ram football club pangngai ah Mizo tlangval an tel thu leh Mizo tlangvalte tel lo chuan India ram football hi a Nil tawh a ni, tia sawiin Mizo tlangvalte telna club-ah chu miin tel ve an chak tawh a ni, tiin a sawi bawk.
Bialtu MLA chuan congress sorkar chuan thalaite football hmasawnna tur a inthlan dawna an thutiam an hlen thu sawiin Kolasib ah pawh phullem phah tura hmalak mek anih thu a sawi bawk a. Inthlan a hnai leh tawh a, sawi neuh neuh a tam ta a, miin tunge a nih min tih? tih hi a pawimawh ber zawk a ni, tia sawiin eirukna ah ka fihlim em? ka thutiam ka hlem em? tih chu min tehna ni zawk rawh se, a ti a ni.
Pu P.C. Zoram Samgliana chuan Bairabi Water Supply a tlawh nghal a. He tui Chengkawl lui atanga lak hi Bairabi khua thal lai pawha chawm zo tur a ngaih a ni.
