Election Commission of India ruahmanna pakhat Electoral Roll dik, felfai leh thianghlim neih a nih zel theih na tura beihpui thlakna National Electoral Roll Purification Drive 2016 Serchhip District a neih tur atana inbuatsaih nan Vawiin nileng khan Serchhip DC Conference Hall-ah Serchhip District a Booth Level Officer te Training pek an ni.

District Election Officer, Bawrhsap ni bawk Dr. Lalrozama, IAS chuan he hun hi hmanpuiin Electoral Roll dik leh felfai nei tura hma an lo lak tawhna ah Serchhip District a BLO te a fak a, BLO te chu a bulthuma hna pawimawh tak thawktu, an fimkhur leh fimkhur loh azira ram leh hnam nghawng vek thei mawhphurhna keng an ni tih inhre nawn fo tur a chah in Electoral Roll dik leh felfai neih anih theih na tura theihtawp chhuah chhunzawm turin a ngen a ni.

Vawiin Booth Level Officers te tana National Electoral Roll Purification (NERP)Trainingah hian District Level Master Trainer (DLMT) pahnih Pu R Vanrengpuia, MCS, Election Officer leh Pu Vanlalrova , MCS, BDO Serchhip ten BLO kalkhawmte chu Electoral Roll thianghlim leh felfai nei tura hna an thawhna kawnga pawimawh chi hrang hrang te Power Point Presentation hmangin an zirtir a, chawhnu lamah zawhna leh chhanna hun hawn niin sawihona hun an hmang bawk a ni.

Vawiin Training ah hian hian Serchhip District chhung khaw hrang hrang atangin Booth Level Officer 70 chuang an tel a ni

Attachment

  • Loading attachment...