Vawiin hian Serchhip Leisekawt Field ah Chapchar Kut, 2019 hman ani a, Pu VL Remliana, PD, DRDA chu kut thlengtu niin, Pi Sangchhin Chinzah, Bawrhsap chu Kut Nu ani.

He kut thlengtu Pu VL Remliana chuan, vawiin hian Serchhip mipui zawng zawngte hlim ni, lungrual leh inngeih tlang taka kan kut ni ni turin ka thleng che u ani, tiin kut hmang tura kalkhawm mipuite a lawm hnuah, kut Nu Pi Sangchhin Chinzah chuan kut hi a hawng ani.

He hunah hian MUP Sub- Headquarters ten hlado chhamin tlang an tlir a, chumi hnuah Branch YMA 20 ten Cheraw kanin, MZI Serchhip ten zaiin mipui an awia, Branch hrang hrang YMA chhang ten Tlanglam an entir ani. Hei bakah hian MHIP lamin Par lam an entir a, Branch YMA hrang hrang ten a ruala Sarlamkai an entir bakah zaithiam leh lam thiam ten hun an hmang bawk. Tin, MUP ten thiamhnang deh lam thil entirna hmun leh MHIP ten la deh lam thil entirna hmun an buatsaih a, Chanmary Branch YMA ten Thingpuisen leh Kurtai, kut chhimtu a duh apiang tan an buatsaih bawk ani.

Chawhnu lamah Music Concert neih chhunzawm ani a, zaithiam hrang hrangten mipui an awi ani.

Chapchar Kut 2019 pual hian Miss Chapchar thlanna Serchhip Photographer Association ten an nei nghal bawk a. Miss hi Nl. Lalthlamuankimi, P & E Branch YMA chu thlan ani.

Serchhipa Chapchar Kut 2019 hmanna hi mipuiten an hlut hle ani