Vawiin hian Serchhip DC Meeting Hall ah District Review Meeting buatsaih a ni a, head of offices ten na department enkawl hmalakna tlangpuite power points presentation an nei.

Review meeting ah hian Dr. Lalzirmawia Chhangte, IAS, Serchhip bawrhsap chuan thusawiin, department hrang hrangten kan hnathawh leh hmalakna kan inhriatpawh tawna, thawh hona tha leh inpawhna tha tak kan neih a tul a tih thu a sawi a. Serchhip district chu a awmna hmun avangte, a chhunga cheng mipuite an hlang that avang te leh te lutuk lo, lian lutuk silo a nih avangte in hmasawnna kawng tinrengah a ber hauh theihna remchang a ngah nia a hriat thu a sawi a, tun hnai maiah pawh PMMVY hmalaknaa titha ber lawmman Delhi ah ka zu dawng hial a, a lawmawm hle a ni, a ti a. He remchang hi tangkai taka hman tum turin head of offices te a ngen a ni.

He hunah hian Dr. C. Zarzokima, DVO, Pu  B. Ngurchhuana, Asst. Commissioner of Excise & Narcotics, Pu K. Saitluanga, DIPRO, Pi Elizabeth Lalremthangi, FM, Industries, Pu H. Dolianbuaia, PD, DRDA, Er. Laltlanthanga, EE, P&E, Er. F. Lalsanglura, Sr. EE, PHE, Pi C. Lalthlamuani, Sr. EE, PWD, Dr. Laldawngliana Sailo, CMO, Dr. ZD Lalmuanawma, DMS, Pi Vanthangpuii, DUDO, Pi Margareth Vanlalzami, DHO,  Pu K. Laltlanmawia, SDAO, Pi Zonuntluangi, DFDO, Pi Lalsiampuii Tochhawng, DCPO, Pi Lalmuanpuii, Lecturer, DIET, Pi Margaret Lalramchhani, DFO, Thenzawl, Pi Jenny Sailo, DFO, N. Vanlaiphai, Pu Vanlalchhana, SDEO leh Pu PC Laltanpuia, Addl SP ten an hmalakna hrang hrang te presentation an pe a. Vawiina pe ve hman lo te hi remchangah hun la buatsaih leh tum a ni.

Vawiina District Review Meeting-a presentation te hi Information & Public Relations Department, Serchhip chuan video in an cover saka, hei hi SEDP Multimedia Campaign kalpui mekah hmanruaa hman zui tur a ni anga, district chhunga Cable TV hrang hrangah te tihchhuah zui tur a ni ang.

Vawiina meeting ah Pu Chuauhnuna, Addl DC bakah Serchhip District chhunga head of offices te an kal kim hle a ni.