Vawiin hian kan hmalawka Member of Legislative Assembly inthlanna lo awm tur atana Serchhip District chhunga mawhphurhna pawimawh tak tak kengtu atana ruat Nodal Officers te meeting chu District Election Officer Pi Sangchhin Chinzah hovin a pisaah neih a ni a. Nodal Officers tinte mawhphurhna te uluk taka inhrilhriatna neih a ni.

Chairman Pi Sangchhin Chinzah chuan, kan rilrute inthlan inbuatsaihna lama kan inpek a tul tawh a, office hour chhung ringawt office lamah awm tum lova, kan inbuatsaih chhoh a tul tawh thu a sawi a. Nodal Officers tinte chu kan hnathawh dan tur kal hmang inziahna lehkhabute a kipakawia kan hriat a tul tawh a ni, a ti a. Kan hnathawh that za tam tak a awm laiin kan tihpalh thil pakhat maiin min ti hminghliau hlauh thei a ni tih hrerenga, engkimah fimkhur tak leh dan ang thlapa kal a pawimawh thu a sawi  ani.

Vawiina Meeting ah hian Nodal Officers hrang hrangte chu an mawhphurhna theuhva an tih tur leh hmalak dan turte chipchiar taka sawipui zel niin, an hriatchian loh emaw zawhna an neihte pawh zawtin sawiho nghal zel a ni a. Mawhphurtu siam rem ngai awm theite pawh sawi ho a ni bawk. Meeting ah hian Serchhip District a Nodal Officers te an tel tha hle a ni.

Kan hma lawka MLA inthlan lo awm tur atana inbuatsaihna hi Serchhip District ah ngawrh taka kalpui chhoh zel a ni a, mawhphurtu Officer hrang hrangte hian anmahni zawn theuhvah hna an thawk chho mek zel  a ni.