No.7240/2020-2021

Vawiin chawhma dar 10:00 khan Mizoram Youth Commission, Commerce & Industries Department leh Planning & Programme Implementation Department tangkawpin Migrant Workers te tan I&PR Conference Hall Serchhipah ni thum chhung awh tur Entreprenuership Development Programme Training an buatsaih.

Pi Elizabeth, Functional Manager, Commerce & Industries Department, Serchhip chuan Training hawnnaah hian EDP Training hi buatsaih anih chhan a sawi a, Covid-19 avangin hmun hrang hranga hnathawka kalchhuakten harsatna tawkin mahni in lumah an rawn haw khawm a, hripui leng a reh mai loh avangin an hnathawnna hmuna let leh mai a lo harsa a, hnathawh tur nei lova an awm chhunga an eizawnna tur lo dappui leh kawng kawhhmuh hi an tum ber anih thu a sawi a. Training hi hlawkpui ngei tura thahnem ngai taka awm turin kalkhawmte a sawm a ni. 

He Trainingah hian Serchhip District chhunga Migrant Worker mi 22 te an tel a, Dr. Jonathan Lalnunsiama, Asst. Professor, Govt. Serchhip College chuan zirtirna a pe a ni.