Vawiin khan Serchhip DC’s Conference Hall-ah Mizoram co-operative Apex Bank Serchhip Branch leh NULM, UD&PA Department tangkawp chuan Street Vendors leh Self Help Groupte tan Financial Literacy Campaign an buatsaih.

Campaign hi Pi Lawmzuali, Manager NULM, Serchhip District-in a kaihruai a, Pu S.T. Lalhmingmawia, District Project Officer, NULM chuan hawnna thusawiin, Street Vendorte tana pawisa khawl, leh hman dan thiam a pawimawh thute sawiin, Street Vendor zawng zawngte Bank Account hawng turin a fuih a. An pawisa khawlte in lama dah mai mai lova Banka dah luh zel a tangkai zia leh pawimawhna a tarlang bawk.

NULM hnuaia Street Vendor zawng zawng ten hamthatna awm thei ang zawng zawng an dawn theih nan leh Social Security Schemes an dawn theih nante, Loan an lak ve theih dan turte theih tawpa ngaihtuahsak leh ngaihven pui a tiam bawk.