283/2023-2024

Dated Serchhip, the 2nd May, 2022: Vawiin khan BRC Hall, Serchhip-ah Mizoram Board of School Education (MBSE) buatsaihin Serchhip District chhunga MBSE Affiliated High School leh Higher Secondary School zirtirtute tan capacity building of teachers in setting Higher Order Thinking Skills (HOTS) question tih thupui hmangin ni khat awh training buatsaih a ni.

Vawiina training-in a tum ber chu zirtirtu, Term exam leh Board exam buatsaih thinte tan HOTS question chu eng ang nge a nih tih leh a buatsaih dan zir ho a ni a. Training hi session hnihah then niin session hmasa zawkah chuan Bloom Taxonomy atangin Lower Order Thinking Skills(LOTS) leh HOTS question zir ho a ni a. A session hnuhnung zawkah hian subject hrang hrang atangin HOTS question buatsaih chhin a ni. Rote Memorization emaw LOTS hmanna lam hawi ringawt zawhna ni lo Higher Order Thinking Skills lam hawi, naupangten an ngaihtuahna tun aia an sen lehzualna tur hi NEP-2020 rawn chhuak pawhin a ngaihpawimawh avangin training hi district hrang hranga MBSE affiliated school tan buatsaih vek a ni ang.

He training-ah hian National Education Policy (NEP)-2020 chungchang te, Class IX leh X Science leh Mathematics bilingual textbook chungchang te sawi zauna hun neih nghal a nih bakah MBSE-in Scheme of Examinations and Question Design a hman mek, Integrated Evaluation Scheme (IES) leh Application Software chungchang inhrilh thar lehna neih nghal a ni bawk.

MBSE hian HSLC Ieh HSSLC kum 2020 exam atang khan exam dan kalphung leh zawhna zawh dan thar a hmang tan a. Hemi hian a tum ber chu content-based question atanga competency-based question tam zawk zirlai naupangte tana chhawp chhuah a ni. Hemi atan hian District 11-a zirtirtute tan training “Question Setting Technique” tih thupui hmangin buatsaih a ni tawh nghe nghe.

Training hi Dr. Jonathan Lalrinmawia, Academic Officer leh Pi Lalrinzuali Sailo, Academic Officer MBSE te’n an pe a. Serchhip District chhunga High School leh Higher Secondary School zirtirute an tel tha hle a ni.