Vawiin khan Serchhip Hmar Veng YMA Hall-ah, Soil & Water Conservation Department buatsaihin ni hnih awh tur IWMP Serchhip-I leh Rubber chin dan leh enkawl dan chungchang inzirtirna neih a ni a, Pu Lalsangliana, Addl. DC Serchhip chuan he hun hi a hmanpui a ni.

Vawiinah hian IWMP Serchhip-I bik atan workshop hi neih a ni a, chawhma lamah Agronomy leh Horticulture chungchang zir niin chawhnu lamah Plant Protection, Piggery, Poultry, Home Science leh Agriculture Engineering chungchang inzirtir niin mithiam bik ten zirtirna hi an pe a ni.

Natuk January ni 25, 2013 hian Rubber chin dan leh enkawl dan inzirtirna hun hman a ni leh ang a, he hun hi Dr. Jerome Rokima, Director , S&WC Department leh Rubber Board atangin mithiam ten an hman pui ang a, zirtirna hi an pe dawn a ni.