Disaster Management & Rehabilitation Department leh Serchhip District Disaster Management Authority tangkawp buatsaihin vawiin chawhnu dar 1:30 khan Government Serchhip High School naupang te nen chhiatrupna lo thlen huna chet lak dan tur lem chan “Demonstrative Mock-Drill”  hlawhtling taka neih a ni.

Vawiin Mock-Drill ah hian lirnghing a lo thlen thut palh huna awmdan tur entir a ni a, zirlaite classroom-a an awm laiin lirnghing entirnan ‘siren’ tih rik a ni a, hetah hian zirlaite chuan chi-ai miah lova  classroom atanga tlanchhuah dan te, hliam tuar lakchhuah dan te leh bawihsawm dan bakah thil tul chi hrang hrang an zirho a, vawiin Mock-Drill hi NSSP hnuaia school thlanchhuah hrang hrang aiawh zirtirtuten a hmunah an chhim bawk a ni.