Vawiin chawhma dar 10:00 khan District Sericulture office, Serchhip-ah NLUP 3rd phase leh 4th phase hnuaia pangang vulh thlangtute tan tanpuina first installment pek chhuah a ni. He hunah hian pangang vulh thlangtu kalkhawmte chu department mithiam ten zirtirna pein an hna thawh dan tur ruahmanna leh tanpuina an dawnte an hmanna tur sum then hran dante kawhhmuh a zirtir an ni bawk.

He huna lo kal pangang vulh thlangtute hi 3rd phase atan chhungkaw 18 leh 4th phase atan chhungkaw 4 an ni a, tanpuina pawisa Rs. 10,000/- theuh an bank account-ah thunsak an ni a, he pawisa an dawn hi lo vah nan leh an hnathawhna tur hmunhma buatsaihna (land preparation) atana pek an ni.