Serchhip District Task Force Committee on PMEGP chu Vawiin khan thukhawmin kumin 2012-2013 chhunga Serchhip District chhunga PMEGP Loan diltute tan Interview neih nghal a ni bawk.

Serchhip District PMEGP Task Force thutkhawm hi Vawiin khan Serchhip DC Office-a Video Conference Room-ah neih a ni a, he hun hi an Chairman, District Bawrhsap, Pu Lalsangliana chuan kaihruaiin he hunah hian kumin 2012-2013 chhunga Serchhip District-a PMEGP Loan diltute chu Interview tura koh nghal an ni. Serchhip District-ah hian PMEGP Loan hi Bank 5 hnuaiah mi 21 te hnenah pek tura ruahman a ni. Heng Unit 21 te PMEGP Loan pek tur hi District Industries Centre (DIC) Serchhip hnuaiah Unit 41 leh Mizoram KVI Board (MKVIB) hnuaiah mi 33 ten an dil a, PMEGP hnuaia Loan latute hnenah hian an loan lak za zela 35 chu Margin money pek an ni a, kum 2012-2013 chhung hian Serchhip District chunga Bank hrang hrang tan cheng nuai 48.30 chu Margin Money atan hian dah a ni tawh bawk a ni.

District Level PMEGP Task Force Committee-ah hian District Bawrhsap chu Chairman a ni a, Member-ah hian MKVIB atangin Extension Officer Pi Saikungi, Industries Department atangin Sub-Divisional Industries Officer Pu Prem Bahadur bakah Bank Manager te leh Serchhip-III, Serchhip-IV leh New Serchhip VCP theuh te an tel bawk a ni.