2070/2026-2027

Dated Serchhip, the 4^th September 2026: Vawiin khan Serchhip District Election Officer, Pu Paul L. Khuma hovin DC Meeting Hall-ah Pre-SIR Final Publication chungchangah meeting neih a ni a; Election Officer Pi Lalchhanhimi bakah Serchhip District-a ERO leh AERO te, Political Party hrang hrang aiawh te, MJA, YMA Sub-Headquarters hruaitute, MHIP Sub-Headquarters leh MUP District Headquarters hruaitute an tel a ni.

Meeting-ah hian Election Officer Pi Lalchhanhimi'n Electoral Roll thar buatsaihna atana Serchhip District Constituency pathum - 26 Serchhip AC, 27 Tuikum AC leh 28 Hrangturzo AC ahtea Special Intensive Revision (SIR) kalpui dan leh hmalakna hrang hrangte a sawi a; ERO/AERO te hnen atangin, siam that ngai siam that leh 'hearing' an neih dan report-te ngaihthlak niin, zawhna leh chhanna hunte hman ho a ni bawk. 

Serchhip District Election Officer Pu Paul L. Khuma SIR 2026 hlawhtling taka neih a nih theih nana thawktu zawng zawng te, khawtlang hruaitute, media te leh political party aiawhte thawhpuina zawng zawngah lawmthu a sawiin hun a khar a ni.

Vawiin vek khan ERO te hian anmahni bial-ah theuh political party aiawhte leh khawtlang hruaitu NGO te meeting an neihpui leh bawk a ni.

September ni 7 zing dar 11-ah Final Roll tlangzarh a ni ang.