Ram chhung hmun dangte rualin tukin dar 8:30 khan Serchhip Field-II ah Republic Day ropui taka hman a ni.
He hunah khuallian District Bawrhsap Pu H.Darzika chuan hnam puanzar pawt pharhin, chibai a buk a. Parade contingent 16-te chibai a chhanglet bawk.
Khuallian District Bawrhsap Pu H.Darzika chuan thu sawiin, January ni 26, 1950 atang khan India danpui chu a taka hman tan a lo nita a, Republic Day hian lawm a phu hle a, a chhan chu mipui rorelna a ram danpui hman tanna Ni champha a nihna hi a ni a ti a. Kan sorkar hian Mizoram chu ram chak zawk leh intodelha siam turin tan hmun a sawh nghet mek a, sorkar kalphung her danglama, langtlang zawk leh mipui tana chhenfakawm, hlemhletna laka fihlim leh mipui tana sorkar tha siam turin theihtawp a chhuahin, tan a la thar mek zel a ni a ti a.Pu Darzika chuan, hmasawnna tura sorkar hmalakna hlawhtlinna tur chuan a dawngtu mipuite hian rinawmna leh taimakna nen kan thawh a ngai a ni a ti bawk.
Serchhip chungchang bik a sawinaah District Bawrhsap chuan, NREGS inhlawhna kal mekah mipui ni 77 inhlawhna pek an ni tawh a, kumin March thla hma hian ni 100 inhlawh tir ngei tum a ni a ti a. Chhiahtlang to Lamchhip inkarah suspension bridge motor kal theihna metre 30 aia sei mah siam tuma hmalak mek a ni a. Chhiahtlang to Lamchhip inkar motor kawng hi laih chhuah a nih chuan Chhiahtlang to Aizawl (Via Hmuifang) chu 65Km chauhva hla a ni tawh dawn a ni a ti a.Serchhip District chhunga sorkar hma thar lakna pawimawh zual tarlangin – Field-I ah Auditorium mi 1000 len theihna Rs.vaibelchhe 24 senga sak tum mek a ni, Field-III ah 400Mts.track awm theihna playground Rs. Vaibelchhe 15 man siam turin ruahmanna engkim peih fel a ni tawh, Boxing ring awmna tur ruahman mek a ni a. Serchhip Town chei nan UD&PA atangin Rs.vaibelchhe 20 ruahman a ni a, heng ruahmanna hrang hrangte hi hun reilote hnuah a taka tih puitlin a ni ang a ti.
Republic Day lawmna inkhawmah hian School hrang hrang leh Force lam atangin, an vaiin contingent 16 an awm a. SSA Serchhip Dist. Pipe Band ten display hmuh nawm tak an entir a. Parade lawmman heng school te hian an dawng : 1-na Marian High School, 2-na JM High School, 3-na LM Middle School. Republic Day lawmna inkhawm hi 4th Assam Rifles Band party ten hnam hla tumin, an tin a ni.
Khuallian District Bawrhsap Pu H.Darzika chuan thu sawiin, January ni 26, 1950 atang khan India danpui chu a taka hman tan a lo nita a, Republic Day hian lawm a phu hle a, a chhan chu mipui rorelna a ram danpui hman tanna Ni champha a nihna hi a ni a ti a. Kan sorkar hian Mizoram chu ram chak zawk leh intodelha siam turin tan hmun a sawh nghet mek a, sorkar kalphung her danglama, langtlang zawk leh mipui tana chhenfakawm, hlemhletna laka fihlim leh mipui tana sorkar tha siam turin theihtawp a chhuahin, tan a la thar mek zel a ni a ti a.Pu Darzika chuan, hmasawnna tura sorkar hmalakna hlawhtlinna tur chuan a dawngtu mipuite hian rinawmna leh taimakna nen kan thawh a ngai a ni a ti bawk.
Serchhip chungchang bik a sawinaah District Bawrhsap chuan, NREGS inhlawhna kal mekah mipui ni 77 inhlawhna pek an ni tawh a, kumin March thla hma hian ni 100 inhlawh tir ngei tum a ni a ti a. Chhiahtlang to Lamchhip inkarah suspension bridge motor kal theihna metre 30 aia sei mah siam tuma hmalak mek a ni a. Chhiahtlang to Lamchhip inkar motor kawng hi laih chhuah a nih chuan Chhiahtlang to Aizawl (Via Hmuifang) chu 65Km chauhva hla a ni tawh dawn a ni a ti a.Serchhip District chhunga sorkar hma thar lakna pawimawh zual tarlangin – Field-I ah Auditorium mi 1000 len theihna Rs.vaibelchhe 24 senga sak tum mek a ni, Field-III ah 400Mts.track awm theihna playground Rs. Vaibelchhe 15 man siam turin ruahmanna engkim peih fel a ni tawh, Boxing ring awmna tur ruahman mek a ni a. Serchhip Town chei nan UD&PA atangin Rs.vaibelchhe 20 ruahman a ni a, heng ruahmanna hrang hrangte hi hun reilote hnuah a taka tih puitlin a ni ang a ti.
Republic Day lawmna inkhawmah hian School hrang hrang leh Force lam atangin, an vaiin contingent 16 an awm a. SSA Serchhip Dist. Pipe Band ten display hmuh nawm tak an entir a. Parade lawmman heng school te hian an dawng : 1-na Marian High School, 2-na JM High School, 3-na LM Middle School. Republic Day lawmna inkhawm hi 4th Assam Rifles Band party ten hnam hla tumin, an tin a ni.
