Right to Information Week (26th October – 31st October) 2014 neih mek denchhenin vawiin chawhma dar 11 khan Serchhip DC’s Conference Hall-ah hun pawimawh tak hman a ni a, Mizoram State Information Commissioner Pu L. Hrangnawna IPS (Rtd) chuan khuallian niin a hmanpui.

Information Commissioner chuan Right To Information chu mipuite chanvo, langtlang sawrkar leh hlemhletna tello sawrkar siamna tura hmanraw tangkai tak ani tih mipuiten an hriatchian a ngai a ni a ti a, SAPIO/SPIO leh DDA te chu an hna an hrechiang hle tur a ni a, RTI kaltlanga zawhna an dawn pawhin zawhna chiah chhan tur a ni a, zawhna bak chhan tur anih loh thu te, zawhna an chhan reng rengin a tan chhan dan leh hrai te ziahlan zel tur a ni a, rihthu a chhan loh tur a ti bawk. SPIO atan Department thenkhat ten Junior Officers an ruat thin thu sawiin an hna an la bell oh thin avangin RTI zawhna chhan kawngah harsatna a tam thin a, hei hi siamthat a tul hle a ni a ti bawk.

RTI Week hawnna inkhawm hi Pu Andrew H. Lalremruata, MIS, DIPRO in a kaihruai a, District Bawrhsap Pi Juhi Mukherjee, IAS in keynote address pe in, Pi B. Malsawmtluangi, MCS, SDC paper buatsaih “RTI leh Mipuite” tih chu zirho a ni a, zawhna leh chhanna hun benglut tak hman niin mipuite hnen atanga RTI leh a kaihhnawih zawhna te chu Information Commissioner Pu L. Hrangnawna, IPS (Rtd) in a chhang a, Pu Lawmkima, MCS, SDO(Sadar) in lawmthu sawina hun hmangin hnu a khar a ni.

Vawiin ‘RTI Week 2014’ puala inkhawm hi Mizoram Information Commission, I&PR Department leh Serchhip DC Office tanghovin an buatsaih a ni a, Serchhip town area a Sawrkar pisa hrang hrang SPIO, SAPIO leh DAA bakah tlawmngai pawl hrang hrang aiawh te, Village Council aiawhte, PRISM leh MZP aiawh te bakah zirlai sawm bik te leh thuthar lakhawmtute an kalkhawm a ni.