Project Himna SADAT Serchhip District-a kal pui mek zinga hmalakna pakhat Ruihhlo chungchang inzirtirna chu CMO Conference Hall-ah neih a ni.

Resource Person Lalnunmawi Varte, SDPO chuan NDPS Act 1985 chungchang zirtir in,  Zoliansangi, Project Mananger , ZEP DIC in  Ruihhlo lam bik  a zirtirna a pe a,  Jane Zodingliani Lailung, Clinical Psychologist, DMHP in zu chungchang  bik sawiin,  Maria V.L. Neihhlui, Psychologist, NTCT chuan Vaihlo Addiction leh Cessation  chungchang  a zirtir ve thung ani. 

Project on Early Intervention Against Tobacco Usage & Drugs Abuse from Upper Primary School (Project Himna- Serchhip against drugs, alcohol & tobacco) hi NEDP hnuaia Project niin ruihtheih thil laka naupang, tleirawl leh thalai te, a bik takin upper primary chunglamte an him a, an fihlim theihna tura ruahmanna a ni a. He project hmalakna zingah hian ruihtheih thilin a nghawng thil thalo te school naupang te hnena zirtir leh hrilh hriatna kawng hrang hrang a neih te a ni.  Project Himna- SADAT  hi Serchhip District chhunga school 30 ah  kalpui tur niin, naupangte chu ruihtheih thil avanga an chunga thil thalo thleng thei hrang hrang hrilh hriatna neih te,  Middle School zirtirtu training pek te, school-a Anti-Tobacco/Anti-Drugs Club din te, intihsiakna butasaih te,  zirna in bul hnaia  vaihlo leh drugs eng chi mah zawrh phallo tura hmalak te, naupang te nena Public Education Campaign  buatsaih te,  Hoarding siam leh zirtirtu te vaihlo leh ruihhlo dang laka an fihlim theih nana hmalak te a tel ani.

Vawiina training in a tum ber chu zirtirtuten  ruihhlo chungchang an lo hriat chian leh zuala,  naupangte ruihhlo laka an fihlim theih nana thiam taka an kaihhruai theih nana inbuatsaih a ni.

He training hi Dr. Laldawngliana Sailo, Chief Medical Officer in kaihruai a, SDEO Serchhip leh Thenzawl hnuaia Middle School zirtirtute an tel tha hle ani.