No.4373/2021-2022

Aizawl,the 23rd March, 2022: Vawiin chhun khan Planning & Programme Implementation Department leh Deputy Commissioner, Serchhip District tangkawpte buatsaihin DC Conference Hall Serchhip ah One Day Workshop on Implementation, Monitoring and Localization of Sustainable Development Goals buatsaih a ni.

Pu Lalmuansanga Ralte, Addl. Deputy Commissioner, Serchhip District chuan, Hetianga Sustainable Development Goals zir hona hun hi kum kalta lamah pawh hman anih tawh thu a sawi a. Sustainable Development Goals in a tum pui ber chu hmasawnna tluantling kan neih theih nana hmalakna tha buatsaih a ni a, sawrkar department te, khawtlang leh sawrkar hnuaia din pawl hrang hrangten tihtur kan neih leh hmasawnna rahbi kan tukna kawnga ruahmanna kan siam dan tur ngaihtuahna a ni. Hetiang hun pawimawh tak mai kan hmang thei hi a lawmawm hle a ni, a ti a. He hunah hian development kan thlir dan te, kan lo dawnsawn dan turte, hma tlir thui tak kan neih theih nan a tangkai ngei ka beisei a, kan khua atan theuh hmasawnna a thlen ngei a beisei thu a sawi bawk.

Khuallian Pu Lalmalsawma Pachuau, IRS, Secretary, Planning & Programme Implementation Department, pawhin thusawiin kan districtah leh kan khuaah hmasawnna tluantling leh huapzo engtin nge kan neih theih dan tur tih sawi ho tura lo kal an nih ber thu a sawi a. Hmasawnna atan hian khawtlang tangrual hian tihtheih tam tak kan nei a, kan rama khawtlang inkaihhruaina tha tak kan neih hi hmang thiamin hmasawnna tluantling kan neih theih nan kan hmang tangkai thei a ni, a ti. Serchhip District hi Sustainable Development Goal ah chuan Mizoramah a titha ber niin India hmarchhaka district hrang hrnag zingah pawh 5 na kan nih mek thu a sawi bawk.

Pu Lalfakzuala, research Officer, P&PID chuan a lem nena entirin Implementation of Sustainable Development Goals chungchangah zirtirna chipchiar tak a pe a ni.

He hun hi Pi R. Lalmuankimi, Superintendent, DC Office Serchhip chuan a kaihruai a, district chhunga Village Council hrang hrang aiawhte leh sawrkara line department hotute an tel a ni.