No115/2021-2022

Dated Serchhip, the 13th April, 2021: Tukin zing dar 7:30 khan Pu Kumar Abhishek, IAS District Election Officer chuan DC Office tual atangin Systematic Voter’s Education and Electoral Participation (SVEEP) Marathon tlante a vailiam.

SVEEP Marathon puala hun hman hi Pu Vanlalhmachhuana, Election Officer chuan a kaihruai a. Pu Kumar Abhishek, IAS District Election Officer chuan thusawiin Democracy ramah chuan mipuiin kan aiawha roreltu tur kan thlang thin a, chuvang chuan vote khat lek pawh a hlu em em a ni, a ti a. Tun tuma Bye Election kan neih turah pawh hian vote nei zawng zawng chu vote thlak vek turin a sawm a, vote thlak hi khua leh tui kan nihnaa kan mawhphurhna leh kan tih ngei tur a ni tih hre thar theuh turin mipuite a chah a ni.

He Marathon ah hian Hmeichhia 26 leh mipa 88 an vaiin mi 114 an tlan a, DC Office tual atanga tlan chhuakin Serchhip AOC Veng atangin P&E Vengah tlan kualin DC Office tual ah vek hian an tawp leh a. Lawman dawngtute chu Hmeichhia ah Pakhatna Lalngaihawmi, Khawtetlang niin pawisa fai Rs. 5000 leh citation a dawng a, pahnihna Lalmuanpuii Serchhip Venglai niin pawisa fai Rs. 3000 leh citation dawngin, pathumna Lalhriatpuii Chanmari Vengthar pawisa fai Rs. 2000 leh citation a dawng bawk a ni. Mipa ah chuan Pakhatna Lalthanpuia Dinthar veng niin pawisa fai Rs. 5000 leh citation a dawng a, pahnihna Laltlansanga IOC veng niin pawisa fai Rs. 3000 leh citation dawngin, pathumna Lalchhanchhuaha P&E veng niin pawisa fai Rs. 2000 leh citation a dawng bawk a ni.

Lawmman semna hun hi Pu Manesia Khaimeichho, SDC chuan a kaihruai a, lawmman te hi Pu Kumar Abhishek, IAS District Election Officer in a hlan a, Marathona tel zawng zawngte hnenah hian SVEEP T-shirt pek vek an ni bawk a ni.