1742/2026-2027 

Dated Serchhip, 12th August, 2026: Vawiin khan Serchhip District chhunga Village Council tin aiawh leh field staff-te tan 'Vikshit Bharat Guarantee for Rozgar Aajeevika Mission Gramin (VB G RAM G)' chungchang inhrilhhriatna, District Level Paanch Sammelan chu BDO Conference Hall Serchhip-ah neih a ni a. Pu Paul L Khuma, District bawrhsâp leh District Programme Coordinator, VB G RAM G ni bawk chuan khuallian niin he hun hi a hmanpui.

Khuallian chuan kan hlawhtlinna tehfung atan 'kan hnathawh ten mipui tan rah tha a chhuah em' tih hi kan hman thin a tul a ni, a ti a. 'Mipui inhlawhna mai piah lamah kan khawtlang tana hmasawnna ruhrel dinna atan VB G RAM G hi hman ṭangkai kan tum tur a ni a, mi tinin kan tih tur ṭheuh kan tih hian sawrkar programme chu a hlawhtling mai ṭhin a ni', tiin Serchhip District chu district entawntlak ni tura ṭan la turin kal khawmte a ngen a ni.

He hun kaihruaitu Dr. Malsawmtluanga Fanchun, DRDO Project Director chuan VB G RAM G chu a bultan that a pawimawh thu sawiin 'a bul kan tan fuh loh chuan nghawng tha lo tak a nei ang tih a hlauhawm a ni' a ti a. Kan hna thawh hian kan khawtlangah eng ang takin nge hlawkna a thlen tih hi kan ngaihtuahna-ah awm reng se tiin kalkhawmte a chah bawk

Pu Stephen Laltlansanga Auhmun, ARDO chuan VB GRAM G kalpui dan tur chungchanga hriattur pawimawhte a lem nena entirin a sawi bawk a ni.