1743/2026-2027

Siaha the 12th August 2026: Siaha District Level Solid Waste Management Committee te chu vawiin khan DC Mini Conference Hall-ah an Chairman leh Bawrhsap nibawk Pu VL Hruaizela Khiangte Kaihhruaina hnuaiah an thukhawm.

District Bawrhsap Pu VL Hruaizela Khiangte chuan thu sawiin Supreme Court of India chuan Ram puma bawlhhlawh te chu chi 4 a thliar hran tawh turin [ wet waste (tawih thei), dry waste (tawih theilo) , sanitary waste (diaper, pads etc) leh Special Care waste ( bawlhhlawh sawngbawl ngai bikte) ] thuchhuah a siam a, Siaha District chhungah pawh he thuchhuah hi zawm theih a tul tih a sawi. Department hrang hrang thawhhona a pawimawh hle tiin Kohhran leh Khawtlangte nen theihtawp chhuah ho a tul hle a ti. Siaha a Solid Waste Management Centre sak mek chu za ah 60 (60%) zawh a ni ta chu a lawmawm takzet tiin a sawngbawl dan tur ang taka bawlhhlawhte sawngbawl a ni thei tawh tur chu a lawmawm hle a, mipui nawlpuiin tih tlanglawn a kan neih theihna turin tun atangin lo in zirlawk a, bawlhhlawh thliar hrang vek turin mipuite a ngen a ni.

District Level Solid Waste Management Committee Co-Chairman aiawhin Pu Henry PL Hnaihly , LAO, MADC chuan Bawlhhlawh sawngbawlnaa an department hmalaknate a tarlang a, Single use plastic tihremna atan mipui hnen atangin plastic bottle Kg khat Cheng 30 a an lei thin thu te, bawlhhlawh chi 4 a thliar tur thu VC tinte hnenah hriattirna an chhuah tawh thu te a sawi.

Vawiin thutkhawmah hian July Ni 3, 2026 a Special Cell meeting in action point tur a lo rel lawk tawh hmalaknate thlirho a ni a, Solid Waste Management Rules 2026 leh Plastic Waste Management Rules, 2016 te District chhunga kalpui dan thlir ho a ni. Heibakah hian Plastic Waste Management Rules 2016, kenkawh dantur leh hmalak chhunzawm dan tur relho a ni bawk. He Special Cell hi Solid Waste Management Rules 2026 tha taka kalpui a nih theihna tura Supreme Court of India in din tura thuchhuah a neih anga din a ni a, UD&PA, RD&AD, PHE, LAD MADC te thawhhona hnuaia din a ni.