985/2026-2027

Dated Serchhip, the 12^th June 2026: Vawiin khan Local Administration Department, Serchhip District chuan Rashtriya Gram Swaraj Abhiyan (RGSA) atangin Serchhip District-a Village Council 10 hnenah computer set hlanna hun an hmang a, Pu Paul L. Khuma Deputy Commissioner chuan a hmanpui.

Pu Paul L. Khuma chuan sawrkarin thil tha tak min tihsak a, hei hi mimalin ta neih tur a ni lova, VC inthlak a lo awm a nih pawhin VC tharin an chhawm zel tur a ni dawn a. Panchayat Bhavan tih changtlunna tha tak bakah, mipuite tan hnathawhna kawnga tiawlsamtu tha tak a nih a beisei thu a sawi. VC te nena thawh an hona a tha em em a, hetianga thawh hona tha hi an zavaia neih zel hi a duh thu sawiin, mipui tana thil an tihah ngun tak leh uluk taka ngaihtuah hmasa thin turin a chah a. VC te hnenah Computer set a hlan nghal a ni.

Dr. Malsawmtluanga Fanchun, DLAO chuan VC te hnena computer set hlan an tha tihchakna, tha taka hna an thawh theih nana tih a ni ber thu a sawi a. Kan hnathawhna kawngah tunlai thiamna hmanga thil kan tih zung zung theih te, mipuite tana hna tha tak an thawh theih nana sawrkarin a ruahman sak a nih thu a sawi bawk.