370/2025-2026

Dated Serchhip, the 29^th April, 2025: Vawiin khan Serchhip Auditorium sakna tur hmun chungchangah Site Selection Committee chu Additional DC Pu Lalrinzuala hovin DC Meeting Room-ah an thukhawm.

DC hova meeting hmasa in a hmunhma zirchiang tur leh zawng tura a din Site Selection Committee memberten rawtna hrang hrang an thlente sawiho niin, Serchhip Indoor Stadium bul, Serchhip Venglai; New Serchhip futsal ground bul; Serchhip Chanmari veng leh Serchhip by pass road New Serchhip te sawilan a ni a. Lirthei dahna tur remchang dawn lova a lan hlawm avangin leh hmunhma rem zawk, parking leh motor kawng luh pawhna tha te ngaihtuahin, Auditorium lian tha dawl zo thei tura ngaih Bukpui rama P&E ram bul ami chu a remchang ber tura ngaih niin ruahmanna siam nise, tih a ni.

Meetingah hian SDO (Sadar) Pi Rebecca Laldinmawii Hrahsel, Settlement Officer Pu Gaston Vanlalhriatpuia, SDC Dr. Marilyn Lalruatkimi, Sr. EE. P&E Pu Laldawngliana, Sr. EE, PHED Pu Isaac Lalchhuanmawia bakah President Sub Headquarter YMA, President MJA te an tel a ni.