371/2025-2026

Dated Serchhip, the 29th April, 2025: Vawiin khan Serchhip District Road Protection Squad Team B te chuan an leader Dr Vanlalchhanhimi, DLAO hovin Serchhip khaw chhung Vengchung, Field Veng leh Dinthar Veng VC area-a kawngpuite an endik.

Vawiina thawk chhuakte hian chipchiar taka kawngpuite fangin VC ten an lo dawngsawng a. Inspection neih hmasaka lirthei leh mipui veivahna atana hnawk thei thil dahtute insenghawi tura an lo hriattir tawh zinga a tam zawkin hma an lak țhat hle laiin, hmalalo eng emaw zat la awmte chu pawisa chawitira hremna pek nise an ti a ni.

Serchhip Road Protection Squad te hian Serchhip khawpui chhunga kawngte hi a him tawk em tih leh vantlang tana hnawk thama kawngpui nek an awm em tih te an endik thin a. Kawng kama dawr leh Workshop nei ten kawng an nek em tih te, garage nei loa kawng sira lirthei riah thin te an awm em tih te an endik thin a. Team 4 (A, B, C leh D)-ah  inthenin official te bakah tlawmngai pawl hruaitute leh Joint VC hruaitute an tel a. Serchhip khawpui chhung VC area hrang hrangah insemdarhin a tah tawlin kawngpui te hi an endik thin a ni.