Serchhip District Bawrhsap ni bawk Dr.Lalrozama, IAS chuan lo hal leh chhan dang hrang hrang vanga ramngaw, In leh bungrua kang ral thin laka mipuite him theih nan Sec. 144 Cr.P.C in thuneihna a pek tlawhchhanin a hnuai a inziak ang hian Serchhip District huam chhunga zawm turin thupek a chhuah :
1. Mi tumahin March ni 15, 2016 hnu lamah Lo /huan leh leipui an hal tur a ni lo.
2. Mi tumahin meilam tha tawk sial hmasa lo chuan Lo /huan leh leipui an hal tur a ni lo.
3. Mi tumahin mihring nunna leh bungrua/ro thil tana hlauhthawnawm chi reng renginn kangmei an tichhuak tur a ni lo.
4. Mi tumahin eirawngbawlna leh ran chaw chhumna leh intihlumna atana hman - thuk, meihawl, khawnvartui, gas, electric thuk etc. kangmei duhawmlo tichhuak thei zawngin an chelek/hmang tur a ni lo.
5. Mi tumahin ramhnuaia an meichhem ti mit lovin an kalsan tur a ni lo.
Thupek zawm lo te chu Sec. 188 IPC hmanga hrem theih an ni ang. He thupek hi sut leh anih hma chuan February ni 16, 2016 atanga chhiar a thla hnih chhung hman tur a ni.
