3543/2022-2023
Dated Serchhip, the 10th February, 2023: Khua a lo thalin lo hal a lo hun leh dawn ta a. Lo hal leh huan kan vah bak ram kan tih kan thin avangin kan ram thing leh mau, ramsa leh nungcha leh kan lui tui leh tuikhur ten an tuar nasa em em a. Kangmei chhuak avangin kan in leh lo, kan ro hlu leh kan nunna hlu tak pawhin a tuarin kan chan fova, chuvangin kangmei laka kan him tlan nan Pi Nazuk Kumar, IAS District Magistrate, Serchhip District chuan The Mizoram(Prevention and Control of Fire in the Village Ram) Rule, 2001 leh District Level Committee on Fire Prevention (DLCPP) meeting ni 27.01.2023-a thukhawm thu chhuak bawhzuiin, Section 144 Cr.Pc in thuneihna a pek hmangin a hnuaia mi ang hian khapna thupek a chhuah.
1. Mi tumahin meilam tha tawk sial hmasa lo chuan lo/ huan leh leipui an hal tur a ni lo.
2. Mi tumahin mihring nunna leh bungrua/ ro atana hlauhawm turin kangmei an ti chhuak tur a ni lo.
3. Mi tumahin eirawngbawlna leh ran chaw chhumna leh intihlumna a tana hman thuk, meihawl, khawnvartui, gas, electric thuk etc. kangmei duhawm lo tichhuak thei zawngin an chelek tur a ni lo.
4. Mi tumahni ramhnuaia an meichhem ti mit lovin an kalsan tur a ni lo.
5. Serchhip District chhunga lo huan, leipui hal turte chuan March Ni 15, 2023 aia tlai lovah hal vek tur a ni.
He thupek hi hman nghal tur a niín, sut leh a nih hma chuan thla hnih chhung atan hman tur a ni. He thupek bawkchhiate chu Section 188 IPC angin hrem theih a ni.
