4010/2024-2025 

Dated Serchhip the 29^th January, 2025: Vawiin khan Serchhip District Football Association buatsaih Serchhip District Football Championship 2025 kharna inkhawm chu Sports Complex, Serchhipah neih a ni a. Serchhip DC Pu Paul L Khuma chu khuallian a ni.

Bawrhsap  Pu Paul.L.Khuma chuan thu sawiin, harsatna leh buaina awm lova felfai taka Football Championship hmawr bawk a ni thei ta chu lawmawm a tih thu sawiin, infiammi kalkhawmte chu kum lamah pawh la naupang tak tak, hmabak hun eng tak nei an ni a ti a, Pathian tih chungin an nun hman chho zel tur leh tumruhna leh taimakna vawng reng turin a chah a, nun an hman chhoh zelna ah Ruihhlo laka fihlim tur an ni tih hre reng turin a chah a, midangte hnenah pawh ti ve chhinlo tura fuihtu ni zawk turin a chah a, Finalist team pahnih te chibai bukin duhsakna a hlan a ni. 

Khuallian hian SDFA te hnenah ₹10,000 a hlan bawk a ni.

Serchhip District Football Championship kharna hun hi Pu Zomuana Hnamte, President SDFA chuan a kaihruai a, he championship a champion team te chu March thla a MFA Cup Champhai a neih turah Serchhip District aiawha kal tur an nih thu a sawi a, vawiina khuallian Serchhip DC chuan Sports Complex tihchangtlun zelna kawngah theihtap a chuahpui thin thu a sawi.

Final match khelh nghal niin Thanzuala FC, Thenzawl leh Hmar Veng FC, Serchhip te a inhmachhawn a,Thangzuala FC te an champion ta a ni.

Serchhip District Football Association buatsaih Serchhip District Football Championship ah hian DFA First Division paruk bakah Zone FA atangin team pathum, an vaiin team 9 an tel a. Champion Team Thangzuala FC hian Trophy bakah pawisafai cheng singhnih an dawng a, Runners Up in pawisafai cheng singkhat an dawng bawk a ni.