2625/2026-2027

Dated Serchhip, the 12^th October, 2026: Vawiin khan Serchhip District Bawrhsap Pu Paul L. Khuma chuan Aichi-Nagoya, Japan-a neih zawh tak, Asian Games 2026-a Gold Medal latu, Lalthantluangi Fanai, Kanghmun South chu lawmpuina thilpek a hlan.

Bawrhsap chuan Serchhip District-in ram pum huap chawimawina dawng thei fa kan nei chu lawmawm a tih thu sawiin, a lawmna hun pawh ropui zawk leh lian tham zawka neih tuma engkim ruahman vek tawh a nih laiin, MLA lam atanga ruahmanna dang siam a nih avangin, vawiinah chawpchilh deuha hun hman a nih thu a sawi a.

Bawrhsap chuan Lalthantluangi Fanai chu Hockey tihmingthatu mai ni lo, Mizo thalai tam takte tana beiseina siamsaktu leh inspiration tha tak a ni chu lawmawm a tih thu sawiin, a kal leh zelna turah duhsakna sang ber a hlan a ni.

He hunah hian Lalthantluangi Fanai chuan Mizo thalai tam takte theihna hai chhuah zel a nih theih nan, sawrkar thuneitute pawhin hma la zel se a duh thu a sawi a; thalaite chu tumruhna nena theihtawpa beih chuan, hlawhtlinna a awm ngei a ni tih hre reng turin a chah bawk.

Hockey Association Serchhip District President Pu R.L. Muanawma leh hruaitu dangte’n Lalthantluangi hi an tawiawm a ni.