4355/2025-2026
Dated Serchhip, the 9 th February, 2026: Khua a lo thal leh ta a, mipuite kangmei laka kan fimkhur tlan theuh nan Deputy Commissioner, Serchhip District chuan mipuite hnenah ngenna leh hriattirna a hnuaia mi ang hian a tichhuak.
1. Serchhip District mipuiten zawm theuh tura ngen leh hriattir kan ni e.
2. In chhuahsan leh zan mut hmain kangmei tichhuak mai thei thil a awm leh awm loh enfiah hmasak zel tur a ni.
3. Ei rawngbawlna Gas (LPG) fimkhur takin hmang la, a leak a nih chuan hmang lui suh. Tin, gas hman loh laiin regulator-ah OFF thin hian a tihim lehzual.
4. Parda, thosilen leh puanzar bul hnaiah mombati leh bati ang chi reng reng chhit loh tur a ni.
5. Kangmei tichhuak thei petrol, khawnvartui leh diesel fimkhur takin hmang la, mei bul hnaiah dah loh tur a ni. A dahna chhin phui that tur a ni.
6. Mei nung reng reng ngaihthah loh tur, meizial bung paih fimkhur la (a bik takin ram kal naah), a nung chungin paih suh.
7. Meichhemna hmanrua: nawalh leh lighter-te naupang khawih phakah dah miah loh tur a ni.
8. In leh a velah kangmei tichhuak thei an awm leh awm loh enfel thin la. Veng hmawr deuhva awm i nih chuan ram kang laka i him nan i in bul zau tak thianfai thin ang che.
9. Kangmei a lo chhuahin chi-ai mai loh tur a ni a, rang takin inchhunga mite leh thenawm hnaite hrilh vat la, Fire Station hnai berah fiah tak leh rang takin kangmei chhuahna hmun hriattir ang che. Fire Station biak pawhna: 8119884154 leh Serchhip Police Station: 9233092581 ah te hriattir vat thin tur a ni.
10. Kangmei chhuah thulhah kangthelhna hmanrua nena i lo inralrin lawk hi kan himna a nih avangin kangthelhna hmanrua neih theuh i tum ang u.
11. Lo hal a lo hun leh ta a, sawrkar-in a lo hal hun chung atan a ruat March ni 15, 2026 ral hma ngeiin hal ila. Lo hal tur ten mei kawng tha tak sial ngei ngei tur a ni.
Hei hi Village Council ten lo bengkhawnin, thuawihlo/a hun loa halte chu report-in, dan hnuaia hremna chelek ngei tur a ni.
