2699/2026-2027

Dated Serchhip, the 15^th October, 2026: Rashtriya Gram Swaraj Abhiyan (RGSA) pawisa hmanga sak Thenzawl West Panchayat Bhawan chu vawiin khan Serchhip District bawrhsap Pu Paul L Khuma'n a hawng.

Cheng nuai 20 senga sak Thenzawl West Panchayat Bhawan hi sak dan tura duan sa zawm vek a nih piahlamah, VC chuan anmahni sum sêngin Air Conditioner pahnih, floor tile leh wall fan an dah tel bawk a ni.

Deputy Commissioner Pu Paul L Khuma chuan Thenzawl West VC ten ruahmanna awm sa piahlama anmahni an insenso dan chu fakin,    entawntlak a tih thu a sawi a; Sorkar leh vantlang thila neitu nihna rilru put a pawimawhzia mi dangte zirtirtu ni thei se a duh thu a sawi bawk.

Panchayat Bhawan hawnna programme-ah hian Dr. Malsawmtluanga Fanchun, Project Director, DRDO leh DLAO Serchhip pawhin thu sawiin Thenzawl West VC te Panchayat Bhawan sak chu Serchhip District mai bakah Mizoram huap pawha chhuanawm pawl a nih a rin thu a sawi a. Khawtlang mipui pawhin ṭangkai taka an hman ngei a beisei thu a sawi bawk a ni.