2700/2026-2027 

Aizawl, the 15th October, 2026: Vawiin khan Irrigation & Water Resources Depariment Hall, MINCECO-ah Rashtriya Poshan Maah 2026 kharna, Performance Review of all Districts & ICDS Projects leh State Award semna hun hman a ni a, Social Welfare, Women & Child Development Minister Pi Lalrinpuii chu khuallian niin hun a hmanpui. 

He hunah hian Minister Pi Lalrinpuii chuan thu a sawi a, 9th Rashtriya Poshan Maah 2026 hlawhtling taka an hmang thei chu lawmawm a tih thu sawiin, an hmalakna hrang hrang thlirletna (review) an neihah te an thawh thatzia a lang chiang hle a ni, a ti. Tun Poshan Maah thupui ber, 'Hamari Anganwadi Hamari Jimmedari', Kan Anganwadi, Kan Mawhphurhna tih chu an hlen tha hle tih a sawi a, 'Wadi Makpa' Anganwadi Centre tana 'Pa' hlu zawng chhuak (identify)-a, an han pho chhuah te khan Anganwadi ngaihsak kawngah mi tam tak, a bik takin pate a than harh tir a beisei thu a sawi bawk.

Minister chuan ram dangin an neih ve loh 'Tlawmngaihna' hmanga Anganwadi Centre te khawtlangın an ngaihsak thin chu hlu a tih thu a sawi a, an hmalakna hrang hrang leh an hnathawhte chuan awmzia a nei a, ram leh khawtlangah danglamna a thlen tih chu mipuiten an hriat loh a hlauh thu a  sawi.

Khuallian chuan an hnathawh hrang hrangte thlirletna hun an nei thei chu lawmawm a tih thu sawiin, an hnathawh dan an inhriatpui tawn hian inzirna tur leh hmasawn an ngaihna lai turte an hriat chhuah phah thei thin a ni, a ti. Hna tha taka thawk te chu chhuanawm a tih thu a sawi a, vawiin programme chu mahni inenletna atan leh hmasawnna atan an hman a duh thu sawiin, kalkhawmte chu a duhsakna sang ber a hlan a ni.

Minister chuan State Level Award, (Anganwadi Worker leh Helper, District, Project, CDPO, CO leh Poshan Staff) hna thawk thate chawimawina hun an hmang dawn tih a sawi a, hnathawk thate chu a ngaihhlut thu leh chawimawi phu a tih thu sawiin, lawmman la turte pawh a lawmpui thu a sawi bawk. Lawmman dawng ve lote pawhin rilru nat nana hmang lo a, a lehpeka dawng thei tura inhlankai tum turin a chah a, lawmman dawngte pawh thleng chhuak tawh anga inngai mai loin, hma sawn tum zel turin a chah nghal a ni. 9th Rashtriya Poshan Maah, (National Nutrition Month) 2026 chu lawm taka a khar thu a sawi bawk.

SW, W&CD Commissioner & Secretary Pi Lalzarmawii pawhin thu sawiin, Rashtriya Poshan Maah 2026 hlawhtling taka an zo fel thei chu lawmawm a tih thu a sawi a, kumin hi a vawi kua (9)-na niin, hriselna kawngah a ram ang pawhin hma kan sawn nasa hle a ni, a ti. District hrang hranga project kalpuite performance review an nei thei leh Minister hmaa an hnathawhte pho lanna hun an hmang thei chu lawmawm a tih thu a sawi a. Heti anga an hnathawhte an thlirho hian rilru a tithar a, hmasawnna tur leh hmalak ngaihna zawn te an hriat theih phah thin a ni, a ti. SW, W&CD department te chu level hrang hrang-a an hna theuhah an thawk tha hle tih a sawi a, ram tana hna thawk an ni tih hre reng tura fuihin, hma sawn tum zel turin kalkhawmte chu a chah a ni.

Vawiin hun hmannaah hian khuallian SW, W&CD Minister Pi Lalrinpuii leh SW, W&CD Commissioner & Secretary Pi Lalzarmawii ten thu an sawi a. WCD Director Pi Zoramthangi chuan District zawng zawng leh ICDS project-a an performance review-na hun a hmang a, WCD Deputy Director Dr. Lalhruaitluangi Chhangte chuan Rashtriya Poshan Maah 2026 thlir letna hun a hmang bawk a ni. SW, W&CD Jt. Secy Pi Zonunthari chuan lawmthu sawiin he hun hi a khar a ni.

Heng a hnuaia tarlante hi lawmman dawngtute an ni: 

Best District    

Rank 1    Kolasib District

Rank 2    Mamit District

Rank 3    Aizawl District

Best Block    

Rank 1    Reiek ICDS Project

Rank 2    Ngopa ICDS Project

Rank 3    Aibawk ICDS Project

Best CDPO    

Rank 1    Lalbiaksangi, Tlangnuam ICDS Project

Rank 2    Esther Laltlinpuii, Khawzawl ICDS Project

Rank 3    R. Vanlaltluanga, Zawlnuam ICDS Project

Rank 3    F.Lalnuntluangi, Hnahthial ICDS Project

Best Circle Officer

Rank 1    Jonathan Lalramdina Ralte, Thingsulthliah ICDS Project       

Rank 2    Vanlalchhanchhuahi, Darlawn ICDS Project

Rank 3    Bethsebi Vanlalnunhlimpuii, Bunghmun ICDS Project

Best District Coordinator    

Rank 1    R. Lalnunpuii, Kolasib District

Rank 2    H.Lalrinchhani, Mamit District

Rank 3    James Lalremliana, Serchhip District

Best District Project Assistant

Rank 1    HF Laltanpuia, Kolasib District

Rank 2    Malsawmtluanga, Mamit District

Rank 3    HC Lalthanpuii, Lunglei District

Best Block Coordinator

Rank 1    Lalawmawii, Reiek ICDS Project

Rank 2    R. Lalluahkima, Bilkhawthlir ICDS Project

Rank 3    Justin Lalhmangaihzuala, Darlawn ICDS Project

Best Anganwadi Worker    

Rank 1    Esther Zomuansangi, Tawipui N AWC-III, Lunglei

Rank 2    Zothansangi, Bilkhawthlir AWC-IX

Rank 3    Ngaihnuni, Hnahlan AWC-II , Champhai

Best Anganwadi Helper    

Rank 1    R.Lallawmpuii, Vengthlang AWC - II Chp

Rank 2    Vanrammawii, Sihphir AWC-II, TLN

Rank 3    PC Lahruaitluangi, Ngopa AWC-I