3821/2024-2025 

Dated Serchhip, the 16^th January, 2025: Vawiin khan DRO Conference Hall, DRO Office,Serchhipah Serchhip Directorate of Economics & Statistics Department leh District Reaserch Office (DRO) te tangkawp buatsaih District chhunga Registrar of Birth & Deaths te tana ni 2 chhung awh tur training chu District Registrar of Births & Deaths leh Deputy Commissioner ni bawk Pu Paul L Khuma chuan  a hawng. 

DC Pu Paul L Khuma chuan hmangaihna leh chhan neia hna kan thawh chuan Pathian leh kan mihringpui te nen inzawmna tha kan nei thin, a ti a. Birth & Death Registrar hna chu an hna pui ber ni lo, an hna peng mai mah ni se hmangaihna nen hlut taka thawk turin a fuih a. Data hlutna te, Register of Birth & Death Registrar hna pawimawhna te sawiin nausen piang thar lo Register (chhinchhiah)  chu   khua leh tui an nihna anga an dikna chanvo an neih theihna hmasa ber a ni, a ti. DC chuan data felfai tak chuan hmasawnna hna thawh tur duan chhuahna kawngah a pui a, Electoral Roll dik leh felfai neih theihna atan a pawimawh a, training nei mek ten an hna pawimawhzia hriaa hlawk taka hun hmang turin a chah a ni. 

Annual Training on Registrar of Births and Deaths, Serchhip District  hawnna hun hi Pu Lalthangmawia, District Research Officer (DRO) chuan a kaihruai a. District chhunga Registrar of Births & Deaths hna thawktu kalkhawmte  lawmna thu a sawi a. Directorate of Economics & Statistics, Aizawl atanga lo kal Resource person - Pu Vanlalfinga, Inspector,Economics & Statistics Department chuan Serchhip District chhunga Registrar of Births & Deaths te chu an hnathawhnna atana tul leh pawimawh hrang hrangte a ziritir dawn a ni. 

Kumin 2025 February Thla atang hian kutziak Certificate pek chhuah tawh loh tur a ni a, Digitized Certificate chauh pek chhuah tawh tur a ni dawn bawk a ni.