2455/2025-2026

Dated Serchhip, the 29th November, 2025: Serchhip Sub Headquarters Zoram Drivers Union (ZDU) te chuan tukin zing khan an din champhaphak Golden Jubilee chu ZDU Run, Tuikhuah Vengah an lawm a. Serchhip DC Pu Paul L Khuma chu khuallian niin Jubilee lungphun a hawng.

DC Pu Paul L Khuma chuan ZDU te Jubilee chibai bukin pawl nung leh chak tak an nih zel a duhsak thu a sawi a. Eng pawlah pawh hruaitute mawhphurhna a sang a, sawrkar dan te kan hriat bel a tul hle tiin DC chuan hma kan lakna apiang hi Dan hnuaiah a nih zel a ngai a ni, a ti.

Golden Jubilee lungphun hawnna puala programme buatsaih hi an President Pu H Malsawma’n a kaihruai a. An Asst Secretary Pu Laltlanthanga’n report leh thusawina hun a hmang a ni.