No.6458/2020-2021

Dated Serchhip, the 6th November, 2020: Vawiin hian Serchhip DC Meeting Hall ah Serchhip District Advisory Committee on Youth Programme te chu an Chairman Pu Kumar Abhishek, IAS, DC Serchhip hovin an thukhawm a. Tun sawrkar kum kal meka Serchhip District chhunga hmalak dan tur Action Plan sawi hovin an pawm.

Meeting ah hian Pu Mr. Amlanjit Hazarika, District Youth Co-Ordination, Nehru Yuva Kendra, Serchhip chuan Action Plan hrang hrang leh a thiltumte sawifiahna neiin member ten an hriat duh zawng leh a tihhlawhtlin theih nana tul awm te an sawi ho zui zel a. An hriat duh leh mamawh belh hrang hrangte sawi ho chungin Action Plan hi an pawm a. Amaherawh chu a taka thawh chhuah hunah Covid19 himna dan leh sawrkar thupek zawm turte zawm vek chunga hmalak nise tiin an rel.

Action plan tlangpui chu basic vocation te, digital felicitation te, training on self reliance, self sufficiency and orientation on various government schemes and bank loans te, carreer guidance and counselling, promotion of art & culture, sports meet te leh thalaite hmasawnna atana ruahmanna dang hrang hrangte an ni hlawm a ni.

Meeting ah hian Pu Lalmuansanga Ralta, MCS, Addl DC, Pu Vishal Sah, IAS leh member dang te an tel a ni.