Dr. Lalrozama, IAS, Deputy Commissioner Serchhip District chuan Lo hal theih hun chhung pawh sei anih thu leh kang mei chhuak thei laka fimkhur tura hriattirna a hnuaia mi ang hian a tichhuak:
The Mizoram (Prevention and Control of Fire in the Village Ram) Rules 2001 chuan thing leh mau tichereu zawnga ram ngaw leh huan lo ram hal a khap tlat a, mihring nunna leh bungrua tiderthawng zawng leh vantlang pawisawi zawnga thil eng pawh hal te, mei chhem leh mei timit lova kalsan te a khap tlat a ni. Mi tupawhin huan lo ram atana neih tuma eng pawh hal ral a duh chuan hmun dang kang kai lo turin a hal tur a ni.
A chunga Dan-in a sawi hi zawm vek tum turin mipuite kan inhriattir a. A chunga Dan tlawhchhan-in a phut ang zawm chungin Serchhip District chhunga lo/huan leipui hal turte chuan ni 8 April, 2017 aia tlai lovah hal vek tur a ni a. Lo hal theih hun chhung hi khaw awm danin a zir loh avangin April ni 8 thleng pawh sei a ni. Mi tumahin meilam tha tawk tak sial hmasa lo chuan lo/huan/leipui an hal tur a ni lo.
Serchhip District chhunga Village Council tinte an mahni ram chhung theuhvah he thupek hi lo kengkawha, mipuite hnena puangzar tura hriattir an ni.
He thupek zawm lo te chu The Mizoram (Prevention & Control of Fire in the Village Ram) Rules 2001, Rule 8 in a sawi angin an chungah hremna lekkawh a ni ang.
