2613/2026-2027

Dated Serchhip, the 9^th October 2026: Election Commission of India thupek angin, Serchhip District chhungah Special Intensive Revision (SIR), Special Drive chu October ni 8, 2026 atang khan tan niin, Special Drive neih tur atan hian ERO ten BLO te Training an neihpui nghal a ni.

He Special Drive neih chhung hian, SIR 2026 neih hmaa Electoral Roll (Dt. 6.01.2025) a hming chuang, mahse SIR Final Roll (Dt. 7.09.2026) a hming awm ta lote chu an chenna In-ah BLO ten an dinhmun enfiah turin an tlawh chhuak dawn a. India khua leh tui dik tak an nih chuan Form-6 hmanga inziak lut tura an hrilh hriat bakah, Electoral Roll-a dah luh leh an nih theih nan an pui ang a, kum 18 tling thar vote nei thar turte pawh an zawng chhuak nghal bawk ang.

BLO ten heng mite hming list an siamte chu Booth Level Agent (BLA)-te hnenah pawh a copy sem ve a ni anga, field verification tih zawhah ERO/AERO hnenah list hi an submit leh ang. Form-6 fill-upte hi ERO/AERO hmaah hearing neih leh a ni ang a, a tul dan azirin Booth Level Camp pawh buatsaih a ni bawk dawn a ni.