2614/2026-2027

Dated Champhai, the 9^th September, 2026 : Champhai District Election Officer Pu Mohammad Aaquib-a chuan Special Intensive Revision 2026 Special Drive neih mek chungchangah hetiang hian thu a chhuah.

Special Intensive Revision (SIR) Special Drive nei turin Election Commission of India chuan India ram State tinah hriattirna a tichhuak a: Mizoramah pawh October ni 8 atangin neih tan tur a ni. 

Election Commission of India (ECI) chuan state tin Chief Electoral Officer (CEO), District Election Officer (DEO) leh Electoral Registration Officer (ERO) te chu October thla chhunga Special Drive nei turin a hriattir a. Special Intensive Revision (SIR) neihzawh taka Electoral Roll-a hming chuang ve lo te zingah India khualehtui diktak, vote nei thei ngei tur paih emaw, hmaih palh emaw kumtling thar dil thei an awm chuan uluk taka enfiah tur a ni. 

Special Drive chhung hian hetiang hian hmalak tur a ni ang : 

1. Booth Level Officer-ten SIR neih hma-a electoral roll-a awm si, SIR Final E/roll-a awm ta lo te chu a list an siam ang. 
2. Chung mite chu BLO ten an inah an tlawhchhuak leh dawn a ni. India khua leh tui dik takte chu Form-6 hmanga electoral roll-a luh dil turin an hrilh hria ang. Anni bakah hian, vote nei thar tur, kum 18 tling tharte pawh an vai ang. 
3. BLO list siam hi Booth Level Agent-te pawh pek ve tur a ni.  
4. BLO te'n field verification an tih zawhah hming list hi ERO/AERO hnenah submit tur a ni a, Form 6 fill-up ho hi ERO/AERO hmaah hearing neih tur a ni. 
5. A tul dan leh remchan dan a zirin Booth Level Camp buatsaih theih a ni ang.