No.2629/2020-2020

Vawiin hian Serchhip District Bharat Scout & Guides chuan Bawrhsap Dr. Lalzirmawia Chhangte, IAS, District Bharat Scout & Guides a District Commissioner ni bawk hnenah COVID 19 dona atan Mask 100 an hlan.

District Bharat Scout & Guides hian Covid 19 dona atana Mask an siam, a mamawh apiangin an lo hman atan bawrhsap hnena 100 an hlan bakah hian District Hospital ah 150, Mercy Hospital ah 100, Serchhip Bazara sumdawngte leh Traffic duty te hnenah 100 an hlan bawk a ni.

Heng mask te hi District Bharat Scout & Guides hruaitu- Pi Zohmangaihi, Deputy Commissioner leh District Education Officer, Pu Vanlalchhana, Deputy Commissioner leh Sub Divisional Education Officer leh Pu CVL Hruaia, Secretary ten an hlan a, thilpek lo dawngtu Bawrhsap chuan an inpekna fakawm a tih thu sawiin, lawmthu a hrilh a ni.

Bharat Scout & Guide ah hian District Bawrhsap hi District Commissioner an ni a, District Education Officer leh Sub Divisional Education Officer te hi Deputy Commissioner an ni.