Vawiin hian Serchhip DC Conference Hall-ah District chhunga Booth Level Officer  (BLO) leh Supervisor te tan Pu Lalvenhima, Election Officer, kaihhruaiin Training buatsaih a ni.

Hun khatnaah “Introduction of Special Summary Revision & House to House Verification Form etc.” tih thupui hmangin Special Summary Revision neih meka Election  office hmalakna  hrang hrang leh in tin/Chhungkaw tina vote neite enfiah hna thawhdan tur  chungchanga hriattur pawmawh chi hrang hrang inhrilhhriatna neih a ni a. Hun hnihnaah hian  Pu Neng Thianlal, AERO 26th-Serchhip (ST) AC hnen atangin  “BLO net leh Mobile App“ chungchang inhrilhhriatna leh a hmandan chungchang ngaihtlak a ni a, Election Commission of India hnuaia Electoral Roll-a inthunluh/insiamthat leh inpaih dan  Form chi hrang hrangte inhrilhfiah thar lehna hunte neih niin, zawhna leh chhanna hun hlawk tak hman ho ani bawk.

Serchhip District Election Office chuan 2nd Special Summary Revision kalpui mek ah hian ni 31st July atanga 21st August, 2018 thlengin Electoral Roll-a thun tharte enfiah a, thlitfim hna thawkin, ni 27th September, 2018 khian Final Roll Publication nei turin ruahmanna an siam a ni.

Serchhip Districtah hian Booth Level Officer (BLO) -77 leh Supervisor – 9  awmin, vawiin trainingah hian Serchhip District chhung  khaw hrang  hrang atang in BLO leh Supervisor te  an tel tha hle a ni.

 

Attachment

  • Loading attachment...