2536/2022-2023
Dated Serchhip, the 3rd November, 2022: Tunlai hian Mizoram chhungah dan lova silai kawl an awm tih hriat a ni a. Tin, sava leh ramsa chi hrang hrangte silai/sairawkherh leh a dangte hmanga veh an ni thin tih hriat a ni a, ram chhunga sava leh ramsate an lo chereu mai loh nan leh humhim an nih theih nan Pu Lalmuansanga Ralte, District Magistrate, Serchhip District chuan Sec 144 Cr.PC, 1973-in thuneihna a pek angin a hnuaia thupek hi a chhuah.
Serchhip District chhungah dan lova silai kawl khap tlat a ni. Tin, ramhnuaia sava leh ramsate silai/sairawkherh leh a dangte hmanga veh/kah/pelh khap tlat a ni.
He thupek zawm lo chu Sec. 188 IPC hnuaiah dan hmangin hrem an ni ang.
He thupek hian chhuah a nih (2.11.2022) atanga thla hnih chhung a huam ang.
Pr No. 211/2022 (SCP) Dated Serchhip 3rd November, 2022
