4074/2023-2024

Dated Serchhip, the 7th March, 2024: Vawiin khan Serchhip District Cooperative Development Committee (DCDC) chu an Chairman Pu David Lalthantluanga IAS, Deputy commissioner hovin DC Meeting Hall ah an thukhawm.

DCDC Serchhip District Convener Pi Lalzidingi District Cooperative Officer chuan thutkhawm buatsaih chhan sawifiahin Department hmalak dan hrang hrang te sawi a. Tun dinhmunah Serchhip District-a Sector hrang hrang 12 ah Cooperative society 115 a awm a, heng te hian anmahni zawnah hmalam pan turin hma an la mek zel a ni. He meeting ah hian Department hrang hrang atanga lokal te chu thawhho dan thiam tur leh an department theuhah cooperative society te tel ve na awm a awm a nih chuan lo duhsak hram thin turin  ngen an ni bawk. Tuna society awm sa te hi hmasawn zawka an awm theih nan uluk taka vil zui zel ni se tiin meeting ah hian an rel a. Chutiang tur atana thawktute indaihlohna pawh phuhru tura kawng zawn tha an tih thu an sawi a ni.

He thutkhawmah hian Serchhip District chhunga Cooperation Department hmasawnna hrang hrang ngaihthlak a nih bakah hmalak zel dan tur te an sawi ho a. Serchhip District chhunga Cooperative Society hrang hrang te leh a bikin PACS te hmasawnna tur thil pawimawh hrang hrang sawi ho a ni.