Serchhip District Legal Services Authority bul tumin a vawi khat nan The Mizoram Victim of Crime Compensation Scheme, 2011 hnuaiah zangnadawmna hlanna hun hi January ni 29, 2016 chawhma dar 11:00 khan Serchhip DC’s Meeting Room ah neih a ni a, Serchhip District Bawrhsap Dr. Lalrozama, IAS chuan khuallian niin he hun hi a hmanpui a, zangnadawmna a sem nghal bawk a ni.

Khuallian Dr. Lalrozama IAS chuan vanduaina tawktu te chu sorkarin a tawrhpui tak zet thu sawiin; kalkhawm te chu The Mizoram Victim of Crime Compensation Scheme, 2011 pawimawhna leh tangkaina te mizo mipui ten tun aia nasa zawk a an hriatchian zawk theih nan puangzar zel turin a chah bawk a ni.

Compensation hi mi pahnih hnenah hlan niin Pu Lalpana, Darlawng hnenah a fanu hmeichhe naupang kum 8 mi March ni 1, 2012 a pawngsual leh rawng taka thah Compensation 1,50,000 hlan a ni a. Pu Laltluangkima, Chhingchhip hnenah a fanu hmeichhe naupang kum 6 mi October ni 28, 2014 a pawngsual tawk chu Compensation Rs 70,000/- hlan a ni bawk.

He Compensation hlanna inkhawm hi Pi Lalrochami Ralte MJS, Secretary, SDLSA in kaihruaiin The Mizoram Victim of Crime Compensation Scheme, 2011 chungchang sawifiahna hun a hmang a, he Compensation hlanna hunah hian Serchhip khawpui chhung atangin sawm bik mi engemaw zat an kal khawm a, Superintendent of Police Pu Lalringdika,MPS pawhin fuihna thu sawiin, Child Welfare Committee, Juvenile Justice Board, Nominated Member te bakah khawpui chhung atangin Para Legal Volunteers ten he hun hi an hmanpui bawk a ni.