4778/2025-2026

Dated Serchhip, the 11th March, 2026: Serchhip DC Pu Paul L Khuma hoin vawiiin khan Serchhip DC Meeting Hall ah District Level Post Disaster Needs Assessment (PDNA) team te nen meeting neih a ni.

Disaster Management & Rehabilitation bultumin Post Disaster Needs Assessment hnuaiah kum 2021 atanga kum 2026 inkara chhiatna hrang hrang District chhunga thleng te data lak khawm a ni a. Chung data te chu district tinah sem chhuah leh niin, heng te hi an kaihhnawih department theuh ten a hmunah a dik ngei em tih finfiah nan an endik (verify) vek dawn a. He verification atan hian Serchhip District Survey Team for PDNA din a ni a. Vawiin meeting-ah hian team member te hi koh khawm niin, an hmalak dan tur inhrilhhriatna hun an hmang a ni.

Meeting-ah hian DC chuan district chhunga chhiatna thleng te dik tak leh felfai taka chhinchhiah a pawimawhzia a sawi a. Team member te chu anmahni department aiawhin thahnemngai taka thawk chhuak turin a fuih a, data dik leh rintlak qn lakkhawm te hi chhiatna thleng hmachhawn dan tur Disaster Plan siam nan a tangkai hle dawn a ni, a ti.

Meetingah hian P&E, Agriculture, CMO, PHE, PWD, RD, Horticulture, Irrigation, AH & Vety, Fisheries Department aiawhte te an tel a ni.