Serchhip District Child Protection Society bul tumin vawiin chawhma dar 11:00 khan I&PR Conference Hall, Serchhip-ah Serchhip Town Area Village Council member te tan “Sensitisation on Child Protection Issues” tih programme buatsaih a ni.

Sensitisation Programme hi Pi Lalsiampuii Tochhawng, DCPO in kaihruaiin Juvenile Justice (Care & Protection of Children) Act. 2000 leh  Integrated Child Protection Scheme (ICPS) chungchang an zirho a; ICPS chu Sawrkar Laipuia Ministry of Women and Child Development in tunhma a naupangte chanvo humhalhna dan hrang hrang khaikhawm chung leh dan thar tha zawk telh belh a a siam, kum 2009-2010 atanga hman tan anih thu te leh khawtlang hruaitute mawhphurhna leh tih ve tur thil pawimawh dang tamtak zirho a ni.

Hei bakah hian District Child Protection Society leh Village Council hrang hrang ten naupang te chanvo humhalh leh venhim chungchanga an thawh ho dan tur te zau taka ngaihtuah ho a ni bawk.

Naktuk September ni 16, 2014 hian YMA hruaitute pualin Sensitisation Programme hi neih leh tura ruahmanna siam a ni.