921/2023-2024

Dated Serchhip, the 26th June, 2023: Vawiin khan Bharat Scout & Guide Serchhip District chuan Pu James Lalnithanga, Addl. DC chu District Commissioner (S) atan leh Pi Rebecca Laldinmawii Hrahsel, SDo(S) chu District Commissioner (Bulbul) atan lakluhna hun DC Meeting Hall ah an nei.

Pi Rebecca Laldinmawii Hrahsel, SDO(S) chu Pi Lalnunsiami Pachuau, STC (G) & Jt. Secretary, Head quarters, Mizoram Aizawl chuan rinawmna thu tiamtirin District Commissioner (Bulbul) atan ala lut a. Pu James Lalnithanga, Addl DC chu Pu Lalthlanthanga, SOC (S) Head quarters, Mizoram Aizawl in rinawmna thu tiamtirin District Commissioner (S) atan ala lut bawk a ni.

He hunah hian Pu Vanlalmuka, SDEO Serchhip leh District Commissioner (S) chuan inlawmna thu sawiin District Commissioner atan lakluh tharte chu ram tana rinawma taka thawk turin duhsakna a hlan a ni.

He hun hi Pu CVL Hruaia, Secretary, Serchhip District Bharat Scout & Guide chuan a kaihruai a. Pi Ramthlamuani (HWB) District Commissioner (G) chuan thu a sawi a. Pu Lawmawma, DEO Serchhip leh District Chief Commissioner chuan lawmthu sawiin hun a khar a ni.