290/2025-2026

Dated Serchhip, the 23^rd April, 2025: Serchhip District Narco Coordination Committee (NCORD) te chu an Chairman Pu Paul L.Khuma hoin vawiin khan Serchhip DC Meeting Hall ah an thukhawm. NCORD meeting hi thla tin neih thin a ni a. An thutkhawm hnuhnung ber March 5, 2025 atanga vawiin April ni 23, 2025 thlenga an hmalaknate thlir ho a ni. 

Serchhip District Police-te chuan April ni 22 zan khan heroin gram 1.84 a rit, cheng 5,520 man hu  leh a neitu an man a, ND&PS Act hnuaiah case an ziak lut nghal a ni. Excise and Narcotics Department chuan report hun chhungin ganja 51.75gm a rit an man bawk. 

Food & Drug Administration chuan damdawi ruihtheih peptica mum 130 leh spasmolar mum 200 chu Lungchhuanah an man a. Spasmend mum 180 leh Tumispas mum 195 chu North Vanlaiphaiah an man bawk. Myanmar chhuak thei tui, alcohol tam tham tak awm tel nia ngaih chu enchhin tura lak niin March 10, 2025 khan Aizawlah an thawn thla a. Alcohol content sang tak a awm tih hmuhchhuah niin Serchhip DC chuan he theitui zawrh khapna hi a tichhuak dawn a ni.