2648/2025-2026 

Dated Serchhip, the 12th December, 2025: Vawiin khan DC Meeting Hall, Serchhipah Lead Bank Office, Serchhip leh RBI bultumin DEAF Awareness Camp leh Financial Literacy Campaign chu Serchhip, SDO(S) Pi Rebecca Laldinmawii Hrahsel, MCS hoa neih a ni.

Khuallian Pi Rebecca Laldinmawii Hrahsel chuan Serchhip District chhhunga Bank Branch hrang hranga mimal leh pawl pawisa cheng nuai 19 vel zet kum 10 chuang account khawih chet tawh loh avang DEA Fund-a a tang chu pawi a tih thu a sawi a.Hetiang zat mipui sum a neitu dik takten laklet theih a nih dan inzirtirna hunt ha a awm chu lawmawm a tih thu sawi.

Vawiin thutkhawmah hian Pu Sumit Mandal, Manger, RBI leh Lead District Officer, Serchhip District ni bawk pawhin thusawiin DEAF Account chungchang sawifiahin kalkhawmte lawmthu a hrilh a, mipuiten ‘I sum, i dikna chanvo’ tih chu kan hriat a pawimawh thu sawi.

He hunah hian Pu Lalnghawrliana, Lead District Manager-in DEAF Account chungchang ,Financial Literacy leh Financial Planning chungchangah zirtirna pein.Sum khawl pawimawhnate kalkhawm te a zirtir bawk a ni.

Pi Ramnghahmawii, Branch Manager, SBI Serchhip Branch pawhin thu sawiin mitin ten a bikin takin sawrkar hnathawk Loan laten insurance Cover neih a pawimawh thu a sawi.

He hunah hian SBI Serchhip Brancha DEAF Account pawisa lut tawh mi 2 te chu a hmunah DEAF (An sum kirna)chinfelna lehkha Khuallian Pi Rebecca Laldinmawiin Hrahsel hian a hlan nghal bawk a ni.

He hunah Serchhip chhunga Bank Branch manager ,Sawrkar hnathawk,NGO leh hmun dang atangin mi engemaw an tel thei a ni.