403/2025-2026

Dated Serchhip, the 30^th April, 2025: Vawiin khan District Level Committee on Disability chu an chairman Serchhip District DC Pu Paul L. Khuma kaihhruaiin DC Meeting Room ah an thukhawm.

sawrkarin pianphunga rualbanlote a ngaipawimawh hle a, vantlang hmun hrang hrang- Damdawiin, biak in leh zirna inahte leh vantlang inkalpawhna hmanraw hrang hrangah te wheelchair leh tiang hawla kal ten awlsam taka an kaltheihna tur siam a tul thute sawi a ni a. RPwD Act in atarlan angina sawrkar department hrang hranga hna lakah 4% aia tlem lo an tan hauh lawk thin tur anih thute sawi niin, zirna sang zawka zir tur tan pawh 5% seat hauh sak an nih thu sawi a ni bawk. 

Dinhmun harsa leh dawm kan ngai dinhmuna dingte hi sawrkar laipuiin a ngai pawimawh em em a, an hmanraw mamawhte man tlawm zawka an hmuh theihna tura ruahmanna siam sak an ni a; disable certificate an mamawh pawhin thuneituten a tul anga lo buaipui sak thuai zel nise tih a ni.

Dy. Director Social Welfare Department Pu Ngurthawnmawia Sailo chuan kan khawtlangah rualbanlote kan chhawnchhaih dan fuh tawklo awm thinte pawh hi bansan a ngai a, dan bawhchhiat theihna a ni tih kan hriat a ngai, a ti a. Rualbanlohna avanga kutdawhte an awm loh nan ei an zawn theih dan tur ruahman sak tura hmalak mek a nih thu a sawi bawk. 

He hunah hian Additional DC Pu Lalrinzuala, SDC Dr. Marilyn Lalruatkimi, Sr. CMO Dr. LP Malsawma, Dr. K. Lallawmzuala bakah Shalom Spastic Society, ZEP aiawhte an tel a ni.