3725/2023-2024

Dated Serchhip, the 8th February, 2024: Vawiin khan Pu HD Lalpekmawia, Project Director, DRDO Serchhip chuan chuan Special Summary Revision of Photo Electoral Roll, 2024 neih zawh taka Serchhip District Final Electoral Roll chu Serchhip DC Meeting Hall-ah a tlangzarh.

Pu HD Lalpekmawia chuan Final Electoral Roll tlangzarh a ni ta chu lawmawm a tih thu sawiin ERO, AERO, BLO, Election Branch a thawktu te zawng zawng leh khawtlang hruaitute, political party leh tlawmngai pawl, he roll a puitlin theihna tura thawktu zawng zawng te hnenah lawmthu a sawi a ni.

PD hian Final Roll a tlangzarh zawh hian Electoral Roll hi Political Party hrang hrang aiawh lo kalkhawm te hnenah a hlan nghal a ni.

Serchhip District chhunga Voters awm zawng zawng zat hi 54161 an ni a. An zinga 27919hi hmeichhia niin a dang 26242 te hi mipa an ni. Service Voters hi 413 an awm a, Service voters chhiar tela Serchhip District a voters awm zat chu 54,574 an ni. Draft Electoral Roll nena khaikhinin Final Roll a General Voters hi 101 in an tlahniam a. Kum tling thar roll a inthun thar engemawzat an awm rualin, roll atanga hming paih leh hmun danga pem ta te avangin Final Roll ah hian voters an tlahniam a ni.

Serchhip District chhunga vote tamna ber 26-Serchhip AC ah voters 20,607 awmin an zinga 9664 hi mipa an ni a, hmeichhe voters zat hi 10,943 a ni. 27-Tuikum AC-a voters awm zawng zawng zat chu 16,905 an ni a, an zinga 8538 hi hmeichhia niin mipa 8367 an awm a, 28-Hrangturzo AC-ah voters 16,649 awmin an zinga 8438 te chu hmeichhia an ni a, mipa voters hi 8211 an awm thung. Assembly Constituency pathum ah te hian hmeichhe voters an tam zawk vek a, gender ratio hi 1064 a ni.

Serchhip District chhunga Assembly Constituency 3 ah Polling Station 88 a awm mek a; 22-Serchhip-XII Polling Station ah vote nei mi 967 awmin voter tamna ber Polling Station a ni a, 31- Vanchengte Polling Station-ah vote nei mi 95 awmin Polling Station voter tlemna ber a ni.

Electoral Roll thar tlangzarh a nih hnu hian kum 18 tling chin te tan chuan hming thun thar (Continuous Updation) hi kalpui chhunzawm reng a ni dawn a ni.

Final Photo Electoral Roll hi ni 08.02.2024(Ningani) atangin mipuite en theih tura tarchhuah a ni dawn a. Mi tupawh a en duh chuan he Electoral Roll hi ERO Serchhip, Tuikum leh Hrangturzo te officeah Office hun chhungin en theih a ni.

Final Roll tlangzarhnaah hian EO Pi Rebecca Laldinmawii Hrahsel, ERO leh AERO te bakah Political Party hrang hrang aiawhte, tlawmngai pawl aiawh te leh chanchinbumite an tel a ni.