4102/2024-2025

Dated Serchhip, the 5^th February, 2025:  Vawiin khan District Level Convergence Meeting on MGNREGA chu Serchhip DC meeting hall ah neih a ni.

Meeting hi Serchhip DC leh District Convergence Committee Chairman ni bawk Pu Paul L Khuma chuan a kaihruai a. Central leh State sorkarin hmasawnna hna thawhna tura department hrang hrang kaltlanga scheme a kalpui ṭhinte chu zai khata luantir a, mipuiin a hlawkna tam thei ang ber an tel theihna tura convergence kalpui a ṭul thu sawiin Bawrhsap chuan he ruahmanna hian rah ṭha tak a chhuah ngei theihna turin department hrang hrangte chu theihtawp chhuah turin a ngen a ni.

Meeting-ah hian MGNREGA enkawltu District Rural Development Office bakah a kaihhnawih line department hrang hrang 10 an tel a ni.